James D. Hicks (UK)

Ókeypis

______________________

James D. Hicks (orgul) ______________________ Amerikanski urguleikarin James D. Hicks hevur seinastu fimtan árini granskað tónleikin í Norðurlondum, og hansara upptøku- og útgávuverkætlan Nordic Journey er vaksin til fimtan bind, sum fevna um 23 fløgur av tónleiki. Røðin hevur trý mál: Tað fyrsta fevnir um at skapa nýggjan tónleik, og James hevur bílagt yvir seksti kompositiónir frá nútíðar norðurlendskum listafólkum. Fimm av hesum verkum eru við á hesi skránni. Í øðrum lagi hevur James granskað ókannaðar skapanir úr fortíðini og hevur tikið nógvar frumframførsluupptøkur av verkum við, sum higartil hava verið óútgivin ella gloymd. At enda hevur hann tikið nøkur fá standard meistaraverk frá romantisku tíðini við í norðurlendsku ferðarøðina. James hevur valt eina "Norðuratlantiska" skrá til Summartónar 2025, sum hátíðarheldur menningina av hesum londum. Upptøkurnar av Nordic Journey kunnu fáast á Spotify og vanligu talgildu pallunum og The Nordic Journey Series, eitt savn við trimum harðbundnum bindum, har nógv av hesum verkum, sum James hevur bílagt og granskað, er givið út av Norskmusikforlag. Meira fæst at vita um James D. Hicks á www.jamesdhicks.com.